فى أى بلد، البنك المركزى مؤسسة مهمة جداً و بتلعب دور حيوى فى الاقتصاد. و الصراحة الحق يقال، البنك المركزى المصرى (بقيادة الدكتور فاروق العقدة و فريق عمله) بيقوم بمهمته بطريقة متميزة و حصل على جوائز عالمية كتير (زى أفضل محافظ بنك مركزى فى الشرق الأوسط لعام ٢٠١١ و ٢٠٠٧).
المشكلة فين بقى ؟؟؟
المشكلة أن ده مثلاً منظر الموقع بتاع البنك المركزى الأوروبى على النت.
و ده منظرموقع البنك المركزى الكندى.
بلاش دول عشان دول نضاف أوى علينا، ده موقع البنك المركزى الإثيوبى
ده حتي العراق و فلسطين الي مشاكلهم أكبر بكتير من موقع علي النت أو بنك مركزي أو الاقتصاد كله أساساً، ده منظر المواقع بتاعتهم
بصوا بقي منظر الموقع بتاع البنك المركزي المصري
لكن مش المشكلة الوحيدة ان الموقع بتاعنا منظره عرّة، المشكلة التانية و يمكن الأكبر هي إن انت لو حاولت تدور عليه علي جوجل مش هتلاقيه !!!
الموضوع مش بس موضوع منظرنا قدام الناس (مع انه مش حرام ان مرة واحدة يطلع منظرنا كويس يعني)، الموضوع هو مستثمر اجنبي مشافش مصر قبل كده و كان بيفكر يفتح مشروع في مصر و يشغل شوية ناس تاكل عيش، لما يفتح الموقع (ده اذا لقاه أصلاً) تفتكروا هياخد فكرة شكلها ايه عن مصر ؟
ثم إن انت تعمل موقع ده حاجة بسيطة جداً، اديه لشركة يا سيدي و ارملهم ٣٠٠٠ جنيه هيعملولك أحسن موقع، بلاش ديه ٣٠٠٠ جنيه كتير برضه علي البنك المركزي، أعمل مسابقة لتصميم أحسن موقع والي يكسب اديله شهادة تقدير.
الفكرة ان الناس الي في البنك المركزي ناس بتفهم، فالسؤال الحقيقي بقي هو
ليست هناك تعليقات:
إرسال تعليق